ASRA

Hisobni o’chirish

Oxirgi yangilanish: 2026-yil 3-sentabr

English version

ASRA hisobini istalgan vaqtda o’chirish mumkin. Hisob bilan birga unga bog’langan barcha ma’lumot — bolalar profillari, qurilma ulanishlari va faoliyat tarixi — o’chadi. Bu amal qaytarilmaydi.

1. Ilova orqali

  1. ASRA ilovasida Ko’proq bo’limini oching.
  2. Sahifa pastidagi Hisobni o’chirish qatorini bosing.
  3. Ochilgan oynada Hisobni o’chirish tugmasi bilan tasdiqlang.

Tasdiqlangan zahoti hisob serverdan o’chiriladi, seans tugaydi va ilova kirish ekraniga qaytadi. Bola qurilmasidagi ASRA oiladan uziladi — qoidalar va kuzatuv to’xtaydi.

2. Ilovasiz — so’rov yuborish

Telefoningizga kira olmasangiz, hisob egasi sifatida admin@asrafamily.uz manziliga yozing.

  • Xat mavzusi: Hisobni o’chirish.
  • Xatda hisob ro’yxatdan o’tgan telefon raqamini ko’rsating.
  • Shaxsni tasdiqlash uchun o’sha raqamga SMS-kod yuboramiz; javob xatida kodni qaytaring.

So’rov tasdiqlangach hisob 30 kun ichida o’chiriladi. Bu xizmat bepul.

3. Nima o’chiriladi

  • Ota-ona profili, telefon raqami va barcha faol seanslar.
  • Bolalar profillari, avatar fotolari va ulanish kodlari.
  • Ulangan qurilmalar va ularning push-tokenlari.
  • Joylashuv tarixi hamda xavfsiz hududga kirdi-chiqdi hodisalari.
  • Ilovalardan foydalanish statistikasi, sayt tashriflari, qidiruv so’rovlari va YouTube ko’rish tarixi.
  • Qoidalar, jadvallar, ilova va sayt cheklovlari, bola so’rovlari tarixi.
  • ASRA ichidagi ota-ona–bola xabarlari va bildirishnomalar.
  • Bilim bo’limidagi savollar, muhokamalar, javoblar va saqlangan maqolalar.

4. Nima saqlanib qoladi

  • Zaxira nusxalar. Baza har kuni zaxiralanadi va nusxalar navbat bilan almashadi — o’chirilgan yozuv zaxiralardan taxminan ikki oy ichida yo’qoladi.
  • Texnik server jurnallari. Ular qisqa muddat saqlanadi va faoliyat mazmunini o’z ichiga olmaydi.

Batafsil marshrut va hududga kirish/chiqish tarixi O’zbekiston vaqti bo’yicha bugun va oldingi ikki kunni qamrab oladi; eski yozuvlar kundalik tozalashda o’chiriladi. Oxirgi ma’lum joy yangilanguncha yoki bola/hisob o’chirilguncha alohida saqlanadi. Sayt domenlari, qidiruv so’rovlari, YouTube tarixi, xabarlar va bildirishnomalar 90 kun; kunlik ekran-vaqt jamlanmalari 400 kun saqlanadi.

5. Hisobni o’chirmasdan

Ayrim ma’lumotni hisobni saqlagan holda ham olib tashlash mumkin. Ikkalasi ham Ko’proq → bolalar ro’yxati → bola kartasi orqali:

  • O’chirish — bola profili, uning qurilmasi, qoidalari va butun tarixi o’chadi.
  • Qurilmani uzish — qurilma oiladan uziladi va qoidalar to’xtaydi, lekin to’plangan tarix bola profili o’chirilgunicha saqlanib qoladi.

6. Savollar

O’chirish bo’yicha savollar uchun admin@asrafamily.uz manziliga yozing. Ma’lumot bilan qanday ishlashimiz Maxfiylik siyosatida yozilgan.